受到咁多喜歡玩玩具嘅blog友仔感染及鼓勵(特別多謝小屋), 我都終於踏出DIY場景嘅第一步啦!
因為第一次整, 所以想盡量簡單啲 (因為諗得太複雜我怕會中途放棄呀! 哈哈), 就由幾塊木板開始入手....其實我都唔知道應該用咩木開始, 但諗到外牆應該要堅固啲, 所以就買咗幾塊比較硬嘅木 (後來有少少後悔, 因為太硬, 唔可能界開整隻窗)
由於一直都好想整一間和屋, 所以周圍搵吓啲和式家品, 大家覺得呢張蓆點呢?
雖然未完成, 但都想放啲嘢上去睇吓效果先....發覺原來呢個日式暖爐枱太大, 霸晒間屋仔
不過都想俾四葉坐吓呢間"新屋"先...睇佢幾開心! ^_^
俾四葉玩完一輪之後, 又要開始繼續改造....加咗個門口, 感覺好好多..
加埋牆紙...不過手工有待改善 (嘻嘻)
沒有留言:
張貼留言