新玩具...第四彈!

又買又買~~~又買咗幾盒食玩啦....

Orcara :

Re-ment :

新玩具...第三彈!

又係時候同大家分享吓我新入嘅玩具啦!

呢幾包食玩散件係喺間工廠大廈入面嘅玩具店嘅格仔舖買架, 雖然不知名, 但覺得好抵, 可以砌場景用。

呢兩盒其實係我第一次買嘅鬆弛熊re-ment食玩, 之前一直都覺得好靚, 但覺得啲食物上有公仔好似唔得真實咁, 但見多咗就開始鍾意啦, 掙扎咗好耐終於都俾佢地跟我返屋企啦!

呢套枱櫈一直都冇刻意去搵, 但無意中喺模型店見到, 又平, 所以就買咗啦!

呢隻貓貓模型係新出架! 個樣好可愛, 仲有個大肚腩.. 

之前一直都好想可以搵多一個公仔陪四葉妹妹, 因為好鍾意啲公仔可以郁手郁腳, 無意中喺模型店見到呢個「烏賊娘」公仔個樣幾可愛, 所以買咗返嚟陪四葉玩.

希望快啲開晒嚟玩啦!

森林家族展覽《愛「森」春日樂園》@將軍澳東港城

四月喺東港城搞嘅森林家族展我都有去, 見到啲1:1森林公仔覺得自己好似縮細咗咁, 因為平時我可以用一隻手拎住佢地嚟玩, 但眼前佢地大隻咗咁多, 有啲唔慣...哈哈

平時上網見到人地嘅收藏, 今次親眼見到啦! 真係好靚, 大部份都已經絕版, 真係好難得!

小白咪之家渡假篇

近排好少開電腦, 所以影影埋埋啲相都冇post出嚟, 呢個渡假屋場景其實都已經一段時間架啦, 依家先處理一下.....睇嚟我要努力啲先得啦!

呢個就係之前用coupon喺Paka Toys買嘅渡假屋啦.

話說小白咪一家趁放假一家大細去渡假屋玩, 小白咪亦都趁生BB之前輕鬆一下....
屋主好好人, 一早就嚟開門俾小白咪佢地啦!

細妹同清仔一入到屋入面就興奮到叫晒, 嘩~~嘩~~嘩~~~究竟咩事呢??

原來間屋入面好大, 有兩層, 仲有吊床添呀!

小白咪當然第一時間參觀吓個廚房啦..

至於細妹同清仔, 已經急不及待上樓上玩啦...

清仔: 家姐, 我地快啲上去睇吓啦!

細妹: 等埋我呀!

細妹,清仔: 嘩~~呢度可以望到好遠...遠...遠....呀!

至於小白B, 已經走咗上吊床睇, 清仔見到都話要上去試..

玩咗一陣, 細妹知道外面有個小溫泉, 於是就走出去歎吓..

大家都好寫意...